Япониянинг BibiLab компанияси мушук бўлишни орзу қилган одамлар учун уйчалар ишлаб чиқара бошлади, деб хабар берди lenta.ru нашри.
Кичик чодирларни эслатувчи йиғма қурилма оддий мушукнинг уйчасидан 6 маротаба каттадир. Унинг кенглиги 80 , баландлиги эса 65 сантиметрни ташкил этади. Уйчага қўшиб, мушук қулоқларини эслатувчи бош кийим ҳам берилади. Бундай уйчанинг нархи 11, 7 минг иендир (тахминан 700 минг сўм).
BibiLab компанияси мазкур товарнинг зарурлигини маркетинг тадқиқотлари тасдиқлашини маълум қилди. Сўровнома натижасида 77,7 фоиз одам бир маротаба бўлса ҳам мушук бўлишни истагани аниқланган.
