Shavkat Mirziyoev Norin tumanidagi “Besh sada” fermer xo`jaligi dalasida bo`ldi, deb xabar bermoqda Prezident matbuot xizmati.
Viloyat fermerlari, qishloq xo`jaligi faxriylari bilan suhbatda paxtani qo`shqator tarzda ekishning samarasi, klaster usulining ahamiyati haqida so`z yuritildi.
Klasterdan eng katta maqsad - sifat va daromad. Paxta etishtirishni klasterlarga topshirsak, dala ishlari tizimli va o`z vaqtida bo`ladi, daromad oshadi, dedi Shavkat Mirziyoev.
Mamlakatimizda qishloq xo`jaligini isloh qilish, mahalliy byudjetlarga tushumlarni ko`paytirish, aholi daromadlarini oshirish, yoshlarni malakali kadrlar qilib voyaga etkazish, odamlarni uy-joy bilan ta`minlash bo`yicha olib borilayotgan ishlarga to`xtalib o`tildi.
