Prezident Shavkat Mirziyoev Namangan shahar davlat xizmatlari markazida bo`lganida haydovchilik guvohnomasi berish jarayonini bevosita kuzatdi.
Ma`lumki, yurtimizda haydovchilik guvohnomalari yangi namunadagisiga almashtirilmoqda. Bu guvohnomalarga ID maqom berilgan. Ya`ni, ularga mikrochip o`rnatilgan bo`lib, shaxsning pasport ma`lumotlari kiritiladi. Pasport bo`lmaganda shaxsni tasdiqlovchi hujjat o`rniga o`tadi.
Davlatimiz rahbari haydovchilik guvohnomasi almashtirish tizimini yuqori baholadi, deb xabar bermoqda Prezident matbuot xizmati.
