Moskva metrosida avariya oqibatida halok bo`lganlar soni 20 kishiga etdi. Bu haqda Rossiya FFV vakillari bergan ma`lumotlarga asoslanib “RIA Novosti” xabar bermoqda.
Moskva shahri hukumatining bergan ma`lumotlariga ko`ra, 161 kishi jarohatlangan, ulardan 127 nafari shifoxonaga etkazildi.
Moskva metropolitenida sodir bo`lgan halokat munosabati bilan chorshanba kuni Moskva shahrida motam kuni deya e`lon qilindi.
Eslatib o`tamiz, 15 iyul kuni “Park pobed” va “Slavyanskiy bulvar” stansiyasilari orasida poezdning 3 ta vagoni relslardan chiqib ketgan. Halokat tufayli 1150 ga yaqin kishi evakuasiya qilingan, jarohatlanganlarning barchasi vertolyotda shifoxonaga olib ketildi. Hozirda qutqaruv ishlari davom etmoqda.
