Shu kunlarda Qarshining «Nasaf» futbol klubi atrofidagi turli xavotirli axborotlar oqimi tinmayapti. Achinarlisi shuki, ularning barchasi asosli, deb yozmoqda Voha.uz nashri.
Shu bois Milliy olimpiya qo`mitasi prezidenti hamda O`FA birinchi vise-prezidenti Umid Ahmadjonov klubni bu ahvoldan tez orada chiqib ketishiga yordam bermoqchi. Nashrning ta`kidlashicha, «Nasaf» klubi rahbariyatidan moliyaviy ahvol hamda homiy bilan o`rtasidagi kelishuv bo`yicha mablag` ajratilmagani haqida rasmiy bayonot olgan. Ahmadjonov bu xatni mamlakat rahbari — Shavkat Mirziyoevga etkazishini bildirgan.
Qo`shimcha qilinishicha, O`FA birinchi vise-prezidenti «Neftchi» hamda «Bunyodkor» klublaridan ham shu mazmundagi bayonotlarni olgan.
