Ispaniyaning Valensiya shahri bandargohigaO`rta er dengizi orqali 600 dan ziyod qochoqlar kirib keldi, deb xabar berdi Izvestiya nashri.
Odamlar 3 kun davomida xayriya kemalari tomonidan Ispaniya hududiga olib kelingan. Birinchi qismda asosan ayollar va bolalar kelgan bo`lib, ularga zaruriy tibbiy yordam ko`rsatildi.
Hukumat taklifiga binoan mamlakatga kirib kelayotgan qochoqlarni boshpana bilan ta`minlash uchun kerakli choralar ko`rilishi ta`kidlanmoqda. Ularni kutib olish jarayonida ko`ngillilar va bir qator xalqaro xayriya tashkilotlari ham ishtirok etmoqda.
