Agar Sampaoli shogirdlari keyingi bosqichga chiqa olishmasa, bu Messi o`ynagan eng yomon jahon chempionati bo`ladi.
“S” guruhi. 19:00
AVSTRALIYa – PERU. “Fisht” stadioni, Sochi
Ushbu o`yin Peru uchun ahamiyatsiz bo`lsa-da, “Sokkerouz” uchun ochko kerak. To`g`ri, hammasi narigi o`yinga bog`liq. Lekin avstraliyaliklar agar g`olib bo`lishsa, keyingi bosqichga chiqish imkoniyati saqlanib qolishi mumkin. Bundan oldingi ikkita turda juda ham mazmunli o`yin ko`rsatgan Janubiy amerikaliklar ushbu uchrashuvda ham g`oliblik uchun maydonga chiqadi. Bu esa o`yinga bo`lgan qiziqishni oshirishi tabiiy. Uchrashuvga rossiyalik Sergey Karasev “brigada”si tayinlangan.
DANIYa – FRANSIYa. “Lujniki” stadioni, Moskva
Keyingi bosqichga chiqish uchun Daniyaliklarga durang ham kifoya. Agar fransuzlar birinchi o`rin bilan nimchorak finalga chiqishsa, Nigeriya yoki Argentina bahsi g`olibi bilan maydonga chiqishi mumkin. Shuningdek, Islandiya ham katta ehtimol bilan ikkinchi tarkibda maydonga tushishi kutilayotgan Xorvatiya termasini yirik hisobda mag`lub etsa, balki vikinglar bilan o`ynar Desham shogirdlari.
Braziliyalik Sandro Richchi ushbu o`yinga bosh hakam sifatida tayinlangan.
“D” guruhi. 23:00
NIGERIYa – ARGENTINA. “Sankt-Peterburg” arena, Sankt-Peterburg
Shubhasiz, kunning eng qiziqarli bahsi deya talqin etilayotgan ushbu uchrashuvda g`olib keyingi bosqichga chiqadi. Albatta, narigi o`yindagi hisobga ham bog`liq ko`p narsa. Ammo bu jamoalardan biri yirikroq hisobda g`alaba qozonadigan bo`lsa, nimchorakda fransuzlar bilan o`ynashi mumkin. Agar Sampaoli shogirdlari keyingi bosqichga chiqa olishmasa, bu Messi o`ynagan eng yomon jahon chempionati bo`ladi.
Antonio Laos bu uchrashuvga jamoalarni etaklab tushadi.
ISLANDIYa – XORVATIYa. “Rostov” arena, Rostov
Dalich shogirdlari o`tgan uchrashuvda Argentinani yirik hisobda engib keyingi bosqich yo`llanmasini naqd qilib bo`lgandi. Bu bahs ular uchun unchalik ham ahamiyatli emas. Ammo islandlarga faqat va faqat g`alaba kerak. Biroq xorvatlar kuchlidek ko`rinyapti. Hamasini o`yin hal qiladi.
Uchrashuvga turkiyalik Junayid Chaqir guruhi hakam sifatida tayinlangan.
Shohrux No``monov, O`zA
19.11.2019, 19:16
Futbol bo`yicha Qatarda bo`lib o`tadigan jahon chempionati bahslariga saralash bosqichida ishtirok etayotgan O`zbekiston terma jamoasi uchinchi g`alabasiga erishdi.Falastin terma jamoasini qabul qilgan o`zbekistonliklar 17 va...
16.07.2018, 10:26
Jahon chempionati ham yakunlandi. O`zA ana shu turnirning eng esda qolarli lahzalarini taqdim etdi.1. Kolumbiyaning yashirin quroli - Mina.2. Gollivud yulduzining navbatdagi "rol"i.3. Belgiya tarixiga...
16.07.2018, 09:28
FIFA 2018 yilgi mundialning eng yaxshi futbolchilari nomini e`lon qildi.Xorvatiyalik Luka Modrich Jahon chempionatining "Oltin to`pi"ga loyiq ko`rildi. Eden Azar kumush, Grizmann bronza to`pga ega...
16.07.2018, 09:23
JCh-2018 finali doirasidagi Fransiya - Xorvatiya uchrashuvi bo`lib o`tdi.JCh-2018. FinalFransiya - Xorvatiya 4:2 15 iyul. Moskva, "Lujniki" stadioni.Hakamlar: Nestor Pitana, Ernan Maydana, Xuan Belatti (uchalasi...
