Saif Ali Xon va Karina Kapurning farzandi mashhurlikda ulardan o`zib ketgan

Taniqli Bollivud aktyorlari Saif Ali Xon va Karina Kapurning ismi tufayli katta shov-shuvlarga sabab bo`lgan farzandi Temur Ali Xon hozirdanoq mashhur, deb yozmoqda "Kunutun" nashri.

Boshqa mashhurlardan farqli ravishda bu oila hech qachon o`z farzandini muxlislaridan bekitmagan. Karina va Saif Ali o`g`illarining fotosuratini tug`ilishi bilan internet tarmog`iga joylagan oilalardan biri. Uning ismi o`sha vaqtda katta munozaralarga sabab bo`lgan edi.

Saif Ali Xonning tarixga qiziqishini bilgan ko`pchilik farzandiga Sohibqiron Amir Temurning ismini berganligini tahmin qilganlar.

Bu kino ijodkorlarning muxlislari kichkintoyning katta bo`lishini internet orqali kuzatib borish imkoniga egalar. Chunki Karina Kapur doimiy ravishda farzandining fotosuratlari va videolari bilan ijtimoiy tarmoqlar orqali bo`lishib turadi.

Mashhur hind aktrisasi Sharmila Tagorning so`zlariga ko`ra, o`g`li Saif Ali Xonning farzandi Temur Ali Xon mashhurlikda undan o`zib ketgan.