Sevimli

24 yoshli qiz buvisini o`ldirib, o`z hovlisiga ko`madi (video)

Jinoyat 06.08.2018, 12:44
24 yoshli qiz buvisini o`ldirib, o`z hovlisiga ko`madi (video)

Quyi Chirchiq tumani Ichki ishlar bo`limiga 24 yoshli Zera Gazieva ariza bilan murojaat qilib, o`zi bilan birga yashab kelayotgan buvisi Sultaniya Gazievani qasddan o`ldirganini ma`lum qilgan.

Voqea aslida qanday bo`lgan, ota-onasi ajrashib ketganidan so`ng, Zera va uning singlisi buvisining qaramog`ida qoladi. Volidasi ham kasallik sabab olamdan o`tadi. Bolalarni ulg`aytirishni zimmasiga olgan ayol ularni boqa olmaganini ro`kach qilib, mehribonlik uyiga topshirib yuboradi. Zera bilan singlisi ulg`ayib, 14-15 yoshga kirib qolganida buvisi ularni mehribonlik uyidan olib keladi va yana birga yashay boshlaydi.

Ammo qizlar uchun qora kunlar boshlanadi. Zeraning o`gay bobosi tomonidan zo`rlanib, xo`rlanishiga ham hech kim e`tibor bermaydi. Vaqt o`tib Zera birinchi turmushidan bir nafar farzandi bilan ajrashib, yana buvisi bilan yashay boshlaydi. U o`rta chirchiqlik Jasur Azamatov bilan tanishib, nikohsiz hayot kechira boshlaydi. Orada Jasurdan farzandli ham bo`ladi.

Zera buvisi Sultaniya bilan tez-tez janjallashib turgan. Qotillik sodir etilgan kunda ichkilik ichib, mast bo`lib, buvisidan ota-onasi haqida so`raydi. Sultaniya tomonidan otasining haqorat qilinishi uning g`azabini qo`zg`aydi. Qiz buvisidan qasd olishni maqsad qiladi. Jasur bilan oldindan jinoiy til biriktirib, qurt-qumursqalarni zaharlash uchun mo`ljallangan doridan choy damlab, Sultaniya Gazievaga limon kislotali choy deb, aldab ichiradi.

Buvisi sog`lig`i yomonlashib, o`zini himoya qila olmaydigan darajaga kelganidan so`ng Zera yostiq bilan uning yuziga bosib turadi. Bu ham etmagandek, Jasurga arqon olib kelishni buyurib, ayolni bo`g`ib o`ldiradi. Jasadni esa hovliga ko`mib tashlaydi. Buvisini o`ldirgani Zera Gazievaga tinchlik bermay, ichki ishlar bo`limiga murojaat qilishiga sabab bo`ladi.

Hozirda Zera Gazieva va Jasur Azamatovlarga qamoqqa olish ehtiyot chorasi qo`llanib, tergov harakatlari olib borilmoqda.


Sharhlar