Fransiyaning sobiq prezidenti Nikolya Sarkozi mamlakatini qutqarish va inqirozdan olib chiqish uchun siyosatga qaytadi. Bu haqda sobiq prezident TF1 telekanaliga bergan intervyusida aytib o`tdi.
“Fransiya vayron bo`lmoqda, men uyda o`tirib, o`z xalqimni tashlab ketishim kerakmi? Men o`zimni xaloskor deb, ahmoqona gaplar aytish niyatim yo`q. Yurtim menga berganlarni qaytarishim kerak. Men ham xato qilganman, o`zimni hammasini to`g`ri qilgandek ko`rsatayotganim yo`q. Ammo, men yolg`on gapirmaganman”,deydi Sarkozi.
Xabarda yozilishicha, sobiq prezident Fransiyani Iroqdagi kampaniyalardagi ishtirokini qo`llab-quvvatlamoqda. Ammo, Fransiyaning amaldagi prezidenti Fransua Ollandning Rossiyaga nisbatan etarlicha qattiq munosabatda bo`lmayotganini tanqid qildi.
Hozirda Sarkoziga nisbatan ochilgan jinoiy ish ochiqligicha qolmoqda. Unga nisbatan oltita jinoiy ish bo`yicha ayblov qo`yilgan:pora berish, shaxsiy manfaati yo`lida vakolatidan foydalanish va bir qator qonunbuzarlik ishlarini berkitish. Ikki ish bo`yicha u oqlandi, qolganlar bo`yicha tergov ishlari davom etmoqda.
