Франциянинг собиқ президенти Николя Саркози мамлакатини қутқариш ва инқироздан олиб чиқиш учун сиёсатга қайтади. Бу ҳақда собиқ президент TF1 телеканалига берган интервьюсида айтиб ўтди.
“Франция вайрон бўлмоқда, мен уйда ўтириб, ўз халқимни ташлаб кетишим керакми? Мен ўзимни халоскор деб, аҳмоқона гаплар айтиш ниятим йўқ. Юртим менга берганларни қайтаришим керак. Мен ҳам хато қилганман, ўзимни ҳаммасини тўғри қилгандек кўрсатаётганим йўқ. Аммо, мен ёлғон гапирмаганман”,дейди Саркози.
Хабарда ёзилишича, собиқ президент Францияни Ироқдаги кампаниялардаги иштирокини қўллаб-қувватламоқда. Аммо, Франциянинг амалдаги президенти Франсуа Олланднинг Россияга нисбатан етарлича қаттиқ муносабатда бўлмаётганини танқид қилди.
Ҳозирда Саркозига нисбатан очилган жиноий иш очиқлигича қолмоқда. Унга нисбатан олтита жиноий иш бўйича айблов қўйилган:пора бериш, шахсий манфаати йўлида ваколатидан фойдаланиш ва бир қатор қонунбузарлик ишларини беркитиш. Икки иш бўйича у оқланди, қолганлар бўйича тергов ишлари давом этмоқда.
