AQShning yirik avtokonserni - General Motors jahon bozoridan avtomobillarni qaytarib olishi haqida ma`lum qildi.
ITAR-TASS agentligining xabar berishicha, 2013 va 2014 yillarda ishlab chiqarilgan Cadillac XTS hamda 2014 yilda ishlab chiqarilgan Chevrolet Impala modellari qaytarib olinadi. General Motors kompaniyasining qayd qilishicha, ushbu avtomobillarning turg`un elektr tormozlarida ayrim nosozliklar kuzatilgan. Ushbu nosozlik bilan AQSh bozorida 205 mingta, boshqa mamlakatlarda esa 16 mingta avtomobil sotilgan.
Kompaniyaning bayonotiga ko`ra, nosozlik tufayli halokat holatlari kuzatilmagan. Shuningdek, GM qaytarib olingan avtomobillarni bepul ta`mirlab berishga va`da berdi.
Yil boshidan ushbu kompaniya turli nosozliklar sababli 30 millionga yaqin avtomobilni bozordan qaytarib oldi.
