Andijon viloyati ichki ishlar boshqarmasi Transportda jamoat xavfsizligini ta`minlash bo`limi boshlig`i M.A.Rahxmonovning xabar qilishicha Asaka tumani xududida joylashgan Axtachi temir yo`l bekatida baxtsiz hodisa yuz bergan, deb yozmoqda "Andijonnoma" gazetasi.
Natijada “O`zbekiston temir yo`llari” aksiyadorlik jamiyatiga qarashli “Qo`qon” lokomotiv deposi Andijon filiali mashinist yordamchisi B.D. voqea joyida vafot etgan.
Ushbu hodisa 2018 yilning 27 sentyabr kuni kech soat soat 01:00 lar chamasida xodimning Asaka tumanidagi Axtachi temir yo`l bekatida xizmat olib borayotgan vaqtda, ya`ni teplovoz tepasidagi suvni ko`rish maqsadida uning tepasiga chiqqan vaqtda ehtiyotsizligi oqibatida yuqori kuchlanishli elektr tokiga tegib ketishi va tok urishi natijasida yuz bergan.
Mazkur xolat yuzasidan tergovga qadar tekshiruv harakatlari olib borilmoqda.
