O`zbekistonda yoshlarning axloqiy buzuqlikni targ`ib etuvchi saytlarga kirishining oldini olish maqsadida internet klublardagi kompyuterlarga maxsus taqiqlovchi dasturlar o`rnatilmoqda. Bu haqda O`zbekiston Milliy axborot agentligi xabar bermoqda.
Bunda barcha xabarlar avtomatik tarzda filtrlanadi yoki bola o`zi qiziqib nojo`ya axborotni olmoqchi bo`lganida avtomatik taqiq ishga tushadi.
Ayni paytda mazkur dasturlar ham to`liq xavfsizlikni kafolatlay olmaydi, chunki ba`zida ular foydali axborotni cheklab qo`yishi yoki kerakcizini o`tkazib yuborishi mumkin.
Xabarda mazkur taqiqlovchi dastur nomi, uning qaysi internet klublarida o`rnatilayotgani haqida ma`lumot berilmagan.