"O`zbekiston havo yo`llari" MAK 2 noyabrdan Namangan-Sankt-Peterburg yo`nalishidagi muntazam reyslarni qayta tiklaydi. Bu haqda kompaniya matbuot xizmati xabar berdi.
Parvozlar Boeing 757 samolyotlarida haftaning juma kunlari amalga oshiriladi.
Havo layneri Namangandan mahalliy vaqt bilan soat 9:45da uchib, Sankt-Peterburgga 13:25da borib qo`nadi. U erdan 14:55da ortga qaytib, 22:00da Namanganga etib keladi.
