Yurtimizda huquqni muhofaza qiluvchi idoralar tomonidan giyohvandlik moddalari savdosining oldini olish bo`yicha muntazam choralar ko`rilmoqda. Ana shunday tadbirlardan biri Davlat xavfsizlik xizmati Farg`ona viloyati boshqarmasi xodimlari tomonidan o`tkazildi.
Qo`qon shahrida istiqomat qiluvchi Mirzohid Oxunov “Andarxon” chegara posti orqali qo`shni Tojikiston Respublikasiga o`tib, u erda 4 ming AQSh dollari evaziga opiy giyohvand moddasini xarid qiladi va jinoiy sherigi, Qo`qon shahrida yashovchi Ulug`bek Qayumovga telefon qilib, mazkur giyohvand moddani Qo`qonga etkazib berishni so`raydi. Ulug`bek Qayumov giyohvand moddalarni Bekobod shahridan olib kelayotgan vaqtda Chag`ali qishlog`i yaqinida qo`lga olindi. Qayumovning tanishi boshqaruvidagi mashinada 1 kilogramm 984 gramm opiy moddasi borligi aniqlandi hamda ashyoviy dalil sifatida rasmiylashtirildi. Olib borilgan tezkor surishturuvlar davomida Mirzohid Oxunov ham qo`lga olindi.
Yana bir shunday holatning oldi olindi.
Marg`ilon shahrida yashovchi, muqaddam sudlangan Hoshim Ibrohimov Quvasoy shahridan Farg`ona shahriga kirib kelayotganida to`xtatildi. Qilmishi fosh bo`layotganidan bezovtalangan Ibrohimov mashinadan tushib, qo`lidagi buyumni ko`chaga uloqtirib, qochib ketayotgan vaqtda qo`lga olindi.
Uning jinoiy sherigi Marg`ilon shahrida yashovchi Doniyor Mahmudov esa, voqea joyidan qochib ketdi. Ammo, olib borilgan tezkor tadbir davomida u Marg`ilon shahrida qo`lga olindi.
Ibrohimov tomonidan uloqtirilgan buyum xolislar ishtirokida ko`zdan kechirilganda, sellofan paketga o`ralgan 672 gramm og`irlikdagi "gashish" giyohvand moddasi ekani aniqlandi.
Tergovoldi surishtiruvlar jarayonida Ibrohimov va Mahmudov "gashish" moddasini qo`shni Qirg`iziston Respublikasi hududida sotib olib, Quvasoy shahrining Polmon qishlog`i yaqinidagi aylanma yo`l orqali mamlakatimizga olib o`tgani ma`lum bo`ldi.
Hozirda har ikki holat yuzasidan Davlat xavfsizlik xizmati Farg`ona viloyati boshqarmasi tomonidan Jinoyat kodeksining 246, 273-moddalari bilan jinoyat ishi qo`zg`atilib, tergov harakatlari olib borilmoqda.
17.11.2023, 09:49
3 yildan beri “Barkamol avlod” bolalar maktabining robototexnika to`garagiga qatnaydigan Ozodbek Hoshimov odamlarni is gazidan saqlab qoladigan ixtiro yaratdi. Bu haqda Maktabgacha va maktab ta`limi...16.11.2023, 12:40
Avvalroq, Toshkent viloyatidagi to`yda vertolyotdan foydalangani aks etgan video tarmoqlarda tarqalgan edi. Toshkent viloyati IIBB Yo`l harakati xavfsizligi boshqarmasi mazur holat bo`yicha ma`lumot taqdim etdi. Ma`lum qilinishicha, IIBB...10.11.2023, 12:45
Poytaxt markazida qurilgan yangi ko‘p qavatli uy hali egalariga topshirilmasdanoq kuni kecha yog‘ib o‘tgan yomg‘irdan so‘ng dahshatli manzara kasb etib qoldi. 11 qavatli uyning zinalari...04.11.2023, 12:37
Farg`onada yangi tug`ilgan chaqaloq tashlab ketildi. "Zamon" dasturida mazkur hodisa bo`yicha tafsilotlar ma`lum qilindi.Ma`lum bo`lishicha, Farg`ona tumani Yuqori archa MFY hududidagi katta dalaga yangi tug`ilgan,...