Toshkentda «Tramadol» va «Lirika» sotishda gumonlangan 46 kishi qo`lga olindi (video)

Jinoyat 10.11.2018, 12:29
Teglar: Video
Toshkentda «Tramadol» va «Lirika» sotishda gumonlangan 46 kishi qo`lga olindi (video)

23 oktyabrdan 7 noyabrgacha bo`lgan davrda Toshkent shahar IIBB «Tramadol» va «Lirika» psixotrop dori vositalarini sotishda gumon qilinib, 46 kishini qo`lga oldi.

Qo`lga olingan shaxslardan umumiy miqdorda 3 023 quti O`zbekiston Respublikasida savdosi taqiqlangan Narkotik moddalari ro`yxatiga qo`shilgan dori vositalari olingan.

Ichki ishlar organlarining dastlabki tergov idoralari tomonidan 19 ta jinoiy ishlar qo`zg`atildi, shulardan 6 tasi – O`zbekiston Respublikasi Jinoyat kodeksining 273 moddasi («Giyohvandlik vositalari, ularning analoglari yoki psixotrop moddalarni o`tkazish maqsadini ko`zlab qonunga xilof ravishda tayyorlash, olish, saqlash va boshqa harakatlar qilish, shuningdek ularni qonunga xilof ravishda o`tkazish») va 16 tasi – 276 moddasi («Giyohvandlik vositalari, ularning analoglari yoki psixotrop moddalarni o`tkazish maqsadini ko`zlamay qonunga xilof ravishda tayyorlash, egallash, saqlash va boshqa harakatlar») bo`yichadir.

2 noyabr kuni Uchtepa tumanida olib borilgan tezkor-profilaktika tadbirlar davomida 28 yoshli Hayotillo A. ismli fuqaro qo`lga olinib, uning yonidan «Tramadol» dori vositasining 16 ta qutisi topildi. 6 noyabr kuni Uchtepa tumanida yashovchi 39 yoshli Jamshid L. Yashnobod tumanida boshqarib borgan avtomobilida 6 quti erkin savdoga taqiqlangan dori vositalari topildi. 7 noyabr kuni Shayxontoxur tumanida 47 yoshli Ulug`bek A. qo`lga olindi. Jinoyat qidiruv xodimlari uning yonidan 120 dona tramadol topishdi.

Eslatib o`tamiz, joriy yilning 22 oktyabrdagi «O`zbekiston Respublikasining ayrim qonun hujjatlariga jamoat xavfsizligini ta`minlashga qaratilgan o`zgartirish va qo`shimchalar kiritish to`g`risida»gi O`zbekiston Respublikasi Qonuni bilan giyohvand moddalari analoglarini tayyorlash, xarid qilish, saqlash, sotish va boshqa harakatlar uchun mas`uliyat uchun javobgarlik kiritilgan. O`zbekiston Respublikasi Vazirlar Mahkamasining joriy yilning 27 oktyabrdagi «Giyohvandlik vositalari, psixotrop moddalar va prekursorlarni O`zbekiston Respublikasi hududiga olib kirish, undan olib chiqish va transit tarzida o`tkazish tartibini, shuningdek ularning muomalada bo`lishi yuzasidan nazoratni takomillashtirish to`g`risida»gi qarori bilan O`zbekiston Respublikasida savdosi taqiqlangan Narkotik moddalari ro`yxatiga tramadol qo`shildi.

Ushbu vositalar inson psixikasiga boshqa narkotiklar kabi kuchli ta`sir o`tkazib, o`rganib qolishga olib keladi va nihoyat inson sog`lig`ini va psixikasini yakson qiladi. Tramadolni ta`sir kuchi bo`yicha morfin bilan solishtirsa bo`ladi. Bir marotabalik qabulda eyforiya hissini uyg`otishi mumkin, ammo muntazam qabul qilishda ko`nikib qolishga olib keladi vaopiy narkomaniyasideb tashhislanadi.

Lirika o`z tarkibida «pregabalin» nomli, epilepsiyaga qarshi xususiyati bor moddaga ega. U neyropatik og`riqlar va kuchli xavotir vaqtida qabul qilinadi. Foydalanish ko`rsatmalarida asabiylik, depressiya va boshqa bir qator nojo`ya ta`sirlar bilan birga ko`nikib qolish ehtimoli borligi va «bekor qilish» sindromiga olib kelishi keltirilgan.


"Hurmatli fuqarolar! Qonunga xilof harakat qilib qo`ymaslik uchun va shuningdek sifatsiz va qalbaki dori vositalaridan saqlanish uchun ularni faqat dorixonalardan xarid qiling. Yodingizda bo`lsin: erkin savdoda cheklangan vositalar ro`yxatiga kiritilgan dorilarni shifokor reseptisiz sotib olishga harakat qilish – qonunga qarshi borish demakdir", - deyilgan Toshkent IIBB xabarida.

Sharhlar

Toshkentda 9-sinf o`quvchisi odamlarni is gazidan saqlab qoladigan ixtiro yaratdi (video)

17.11.2023, 09:49

3 yildan beri “Barkamol avlod” bolalar maktabining robototexnika to`garagiga qatnaydigan Ozodbek Hoshimov odamlarni is gazidan saqlab qoladigan ixtiro yaratdi. Bu haqda Maktabgacha va maktab ta`limi...
Oqqo`rg`onda vertolyot ishtirokida to`y kortejini qilganlar jarimaga tortildi (video)

16.11.2023, 12:40

Avvalroq, Toshkent viloyatidagi to`yda vertolyotdan foydalangani aks etgan video tarmoqlarda tarqalgan edi. Toshkent viloyati IIBB Yo`l harakati xavfsizligi boshqarmasi mazur holat bo`yicha ma`lumot taqdim etdi. Ma`lum qilinishicha, IIBB...
Kechagi yomg`irdan so`ng Toshkent markazidagi yangi "dom"ning eri cho`kib, tagi ochilib qoldi (video)

10.11.2023, 12:45

Poytaxt markazida qurilgan yangi ko‘p qavatli uy hali egalariga topshirilmasdanoq kuni kecha yog‘ib o‘tgan yomg‘irdan so‘ng dahshatli manzara kasb etib qoldi. 11 qavatli uyning zinalari...
Farg`onadagi ekin dalasiga yangi tug`ilgan chaqaloq tashlab ketildi (video)

04.11.2023, 12:37

Farg`onada yangi tug`ilgan chaqaloq tashlab ketildi. "Zamon" dasturida mazkur hodisa bo`yicha tafsilotlar ma`lum qilindi.Ma`lum bo`lishicha, Farg`ona tumani Yuqori archa MFY hududidagi katta dalaga yangi tug`ilgan,...
Ob-havo: Toshkent
Valyuta kursi
1