Toshkentning Yunusobod tumanida topilgan qizning ota-onasi qidirilmoqda

Toshkent shahrining Yunusobod tumanida topilgan qizning ota-onasi qidirilmoqda, deya xabar qilmoqda Toshkent IIBB.

Qiz 9 dekabr kuni Yunusobodning 11 kvartalida topilgan. Qizning aytishicha uning ismi Isaeva Lida Tulkinovna, lekin qaerda yashashini bilmaydi. Hozirda Lida Toshkent shahar IIBB voyaga etmaganlarga ijtimoiy-huquqiy yordam ko`rsatish Markazida bo`lib turipdi.

Lidaning belgilari: bo`yi 85-90 sm, sochlari och rangda, uzunligi elkasigacha, ko`zlari qora.

Qizni tanigan va bilganlar bo`lsa Toshkent shahar IIBB voyaga etmaganlarga ijtimoiy-huquqiy yordam ko`rsatish Markaziga yoki 71-231-87-56, 102 telefon raqamlariga murojaat qilishlari so`raladi.

Markaz manzili: Toshkent sh., Yunusobod tumani, Xushnavo ko`chasi, 102.