Noyabr oyida betakror kelinchalik libosida ota uyini tark etgan serqirra ijodkor Shahzoda Muhammedova sarpo liboslarida tushgan fotosuratlari bilan bo`lishdi.
Mahoratli dizayner o`zi uchun to`rtta betakror liboslardan iborat to`plam yaratgan bo`lib, ular Shakhzoda boutique-atelye n1 tomonidan tikilgan.
«Qor malikasi» ertagi asosida yaratilgan betakror libosda dizayner havorang adras matosidan foydalangan. Qo`l mehnati orqali libos minglab munchoqlar bilan bezatilgan, deb yozmoqda Kunutun nashri.
«Ming bir kecha» ertagi qahramoni Shahrizoda timsolidagi shoxona libos Shakhzoda boutique-atelye n1 tomonidan murakkab qo`l mehnati bilan maxsus tikilgan.
Shahzoda to`y oqshomi yakunida «Kelin salom» marosimi uchun kiygan «Tovus» nomli libos. Ko`k tafta matosidan tikilgan chopon va oq harir libos tovus patlari bilan bezatilgan.
«Yashil parcha» deb nomlangan libos ham alohida mehr berib tikilgani yaqqol namoyon.
Shahzoda Muhammedovaning beshinchi sarpo libosi dizayner Dilnoza Umirzoqova tomonidan «Anor» ateleda maxsus tikilgan libos bo`lib, Shahzoda unga Paranji anordeb nom bergan. Bunga sabab, libos alvon qizil rangdagi matodan tikilgani.
