Peel- kelajakda Buyuk Britaniyada ishlab chiqariladigan eng mitti avtomobil bo`lib, uning eni - 1,04m, bo`yi esa - 1,4m ni tashkil etadi. 60-yillarda loyihasi tuzilgan ushbu mashina yaqin kunlargacha, ya`ni ikki nafar britaniyalik tadbirkor unga elektr motor o`rnatib, ishga tushirgunga qadar kolleksionerlar uchun qimmatbaho eksponat hisoblanar edi. Mazkur modelning maksimal tezligi o`rtacha 55 km/s bo`lgani bois, unda xalqaro trassalarda kezishning iloji yo`q.
Shunga qaramay, u azaldan shahar transporti sifatida ishlangan edi: jajji, engil boshqariladi, to`xtash joyiga qo`yish ham oson. Hozirda uning ichiga katta quvvat talab etmaydigan mopedning motori o`rnatilgan. Uning og`irligi 15 kg ga yaqin bo`lib, Tesla Model S. avtomobili motoridan qariyb 15 marotaba kichik. Ishlab chiqaruvchilar uni orqa g`ildiraklar ustiga o`rnatishgani sabab, qo`shimcha zaxira batareyalar uchun ham joy etarli. Peel Trident modelida bir vaqtning o`zida ushbu batareyalarni ham ulab, 130 km yo`lni qayta quvvatlantirmasdan bosib o`tish mumkin ekan.
Ilgari mashina bundan-da engilroq bo`lgan: orqaga harakatlantiruvchi mexanizmi bo`lmagan, shuning uchun haydovchi yukxonadagi maxsus tutqich bilan avtomobilni ko`tarib, kerakli joyga sudrab olib borishiga tug`ri kelgan(59 kg og`irlik uchun bu ish uncha qiyin kechmaydi).
Mashinalarni cheklangan miqdorda ishlab chiqarish ko`zda tutilmoqda, shunda u o`z qiymatini va noyobligini saqlab qoladi. Muxandislar har bir nusxani qo`lda yig`ib, sinchiklab sinovdan o`tkazadilar.
Mittigina uch g`ildirakli Elio avtomobillari keyingi yildan keng ommaga taqdim etiladi. Shuningdek, Lit Motors kompaniyasi bir o`rinli transport vositasini loyihalashtirmoqda: texnik tomondan olib qaralganda, bu motosikl, ammo ko`rinishi Peel modeliga o`xshash. Buni ulkan taraqqiyot deyish mumkin, chunki shu kabi jajji mashinalar ko`p miqdordagi energiyani tejab, atrof-muhitga nisbatan salbiy ta`sir ko`rsatmaydi.
Manba: www.thinkgreen.ru