O`zbekistonda ochilayotgan UMS aloqa operatori fotosessiyasida qatnashishni istagan 18-60 yosh oralig`ida bo`lgan ikki jins vakillari uchun kasting e`lon qilindi. Bu haqda Daryo.uz xabar bermoqda.
Nomzodlar millati o`zbek bo`lishi, zamonaviy ishbilarmon ko`rinish va iloji boricha model qiyofasiga ega bo`lishi lozim.
Kasting va fotosinov 7-9 noyabr kunlari «Kinoprom» kompaniyasi ofisida soat 12:00 dan 17:00 ga qadar o`tkaziladi.
Suratga olish ishlari Toshkent shahrida Moskvadan kelgan media-kompaniya va Rossiyadagi «MTS» vakillari ishtirokida 12-16 noyabr kunlari bo`lib o`tadi.
Kasting talablari va boshqa ma`lumotlar bilan Kinoshniki.uz saytida batafsil tanishish mumkin.