Qo`shni Qozog`istonning poytaxtida “Ostona – mehr-shafqat shahri” aksiyasi o`tkazildi. Bu haqda Muslim.kz sayti xabar berdi.
Mazkur tadbir tashabbuskori Qozog`iston musulmon idorasi raisining o`rinbosari, Ostonadagi “Hazrat Sulton” masjidining imomi Navruzbay Tag`anuli bo`lib, aksiya maqsadi insonlarga ko`mak ko`rsatish ekani aytib o`tilgan.
Aksiya doirasida qishning sovuq kunlarida avtobus bekatlarida transportni kutayotganlar va yo`llarda sovqatganlar o`z manzillariga bepul etkazib qo`yiladi.
Ushbu aksiyada “Hazrat Sulton” masjidi jamoati o`zlarining avtomobillari bilan faol qatnashayotganlari aytib o`tildi.
