Kecha, 24 aprel kuni Islom Karimov nomidagi Toshkent xalqaro aeroportida dzyudo bo`yicha Osiyo—Okeaniya chempionatida mamlakatimiz sharafini himoya qilgan sportchilar tantanali kutib olindi. Bu haqda Mudofaa vazirligi matbuot xizmati xabar berdi.
Ushbu marosimda O`zbekiston dzyudo federasiyasi,Mudofaa vazirligi sport klubi, keng jamoatchilik vakillari ishtirok etdi.
Eslatib o`tamiz, 20—23 aprel kunlari Birlashgan Arab Amirliklarining Fujayra shahrida o`tkazilgan chempionatda Mudofaa vazirligi sport klubi a`zolari ham qatnashib, milliy terma jamoa hisobiga medallar shodasini qo`shib qo`ygan.
Ayollar o`rtasida kechgan bellashuvlarda Diyora Keldiyorova (-52 kg) oltin medalni qo`lga kiritgan bo`lsa, shartnoma bo`yicha harbiy xizmatchi Gulnoza Matniyozova (-70 kg) hamda Sharofiddin Boltaboyev (-81 kg) kumush medal sohibiga aylandi. Hikmatillo To`raev (-73 kg) va Muhammadkarim Xurramov (-100 kg) bronza medallari bilan yurtimizga qaytdi.
Harbiy orkestr sadolari ostida kutib olingan sportchilar jahon arenalarida qo`lga kiritgan g`alaba va sovrinlari bilan muborakbod etildi.
