Evropa chempionlar ligasi guruh bosqichi 5-tur doirasida Kiprning APOEL jamoasiga qarshi mehmonda to`p surgan “Barselona” klubi hujumchisi Lionel Messi 87-daqiqada o`zining xet-trikini nishonladi va gollari sonini 74 taga etkazib oldi.
Ushbu o`yinda Messi tomonidan kiritilgan birinchi gol uni musobaqa tarixida eng ko`p gol urganlar ro`yxatida birinchilikka olib chiqqan edi. 38-daqiqada gol kiritgan Lionel Raul va Krishtianu Ronaldu rekordlarini yangiladi, 57-daqiqada esa o`z rekordini ham yangilashga erishdi, deya ma`lum qilmoqda TASS.
Ammo chorshanba kuni uni Krishtianu Ronaldu quvib ketishi mumkin. Chunki aynan shu kuni “Real” “Bazel”ga qarshi maydonga tushadi. Ronaldu hisobida hozircha 70 ta gol bor.
