Meksikaning Kuliakan shahrida bo`lib o`tayotgan futbol bo`yicha nogiron-amputantlar o`rtasidagi navbatdagi jahon chempionatini O`zbekiston terma jamoasi g`alaba bilan boshladi.
Dunyoning yigirma ikki davlati terma jamoasi g`oliblik uchun kurash olib borayotgan musobaqada hamyurtlarimiz amaldagi jahon chempioni sifatida ishtirok etmoqda. Dastlabki uchrashuvda Ukraina vakillariga qarshi maydonga tushgan futbolchilarimiz raqib darvozasiga javobsiz ettita to`p kiritdi.
«A» guruhida ishtirok etayotgan O`zbekiston terma jamoasi keyingi o`yinlarni Irlandiya va Braziliya terma jamoalariga qarshi o`tkazadi.
