Toshkent shahar bojxona boshqarmasi xodimlari navbatdagi bojxona qoidabuzarlik holatlarini fosh etishdi.
Jumladan, “Chuqursoy” tashqi iqtisodiy faoliyat bojxona posti xodimlari tomonidanpoytaxtimizda faoliyat yuritayotgan mas`uliyati cheklangan jamiyat nomigaxorijdan temir yo`l konteynerida kelgan yuklarni bojxona ko`rigidan o`tkazish davomida bojxona yuk deklarasiyasida hamda yuk kuzatuv hujjatlarida ko`rsatilganidan ortiqcha 360 dona “qurilishda ishlatiladigan chizg`ichlar” hamda umuman ko`rsatilmagan 240 dona “elektr tok indikatorlari” borligianiqlandi.
Aniqlangan tovarlarning umumiy qiymati 11,5 million so`mni tashkil etar ekan.
Shuningdek, “Ark buloq” tashqi iqtisodiy faoliyat bojxona posti xodimlari tomonidan yana bir korxona nomiga kelgan yuklarni bojxona ko`rigidan o`tkazish davomida bojxona yuk deklarasiyasida hamda yuk kuzatuv hujjatlarida ko`rsatilmagan umumiy qiymati 18 million so`mlik 60 dona musiqa asbobi – “gitara” hamda 10 dona ovoz kuchaytirgich borligi ma`lum bo`ldi.
Yana bir shunga o`xshash holatda “Sergeli” tashqi iqtisodiy faoliyat bojxona posti xodimlari tomonidan xorijdan korxona nomiga kelitirilgan “sport anjomlari” bojxona ko`rigidan o`tkazilganda bojxona yuk deklarasiyasida hamda yuk kuzatuv hujjatlaridako`rsatilganidan ortiqcha 350 komplekt “badminton va stol tennisi raketkasi” hamda 300 dona “badminton volanchigi” tovarlari borligi aniqlandi.
Mazkur tovarlarning umumiy qiymati 19 million so`mni tashkil etar ekan.
Yuqoridagi holatlar yuzasidan bojxona tekshiruvlari davom ettirilmoqda.
