Liviya poytaxti Tripolidagi migrantlarni vaqtincha saqlash markaziga aviazarba berildi. Bu haqda Ntdtv.ru nashri xabar berdi.
Mazkur holat yuzasidan BMT Bosh kotibi mustaqil tergov o`tkazilishini talab etmoqda. Harbiy qism yaqinida joylashgan ushbu markazda asosan Afrikalik migrantlar saqlangan. Hujum oqibatida 44 nafar kishi halok bo`lgani, yana 130 nafari esa turli darajada tan jarohati olgani aytilmoqda.BMT ning inson huquqlari bo`yicha oliy komissari Mishel Bacheltning so`zlariga ko`ra, bu so`nggi uch oy mobaynida migrantlar markaziga uyushtirilgan ikkinchi hujumdir. Bachel mazkur avia hujumni harbiy jinoyat sifatida baholashini ma`lum qildi.
Ushbu markaz umumiy hisobda 600 nafar kishiga mo`ljallangan. May oyida BMT ning qochqinlar ishlari bo`yicha oliy komissari boshqarmasi urush harakatlari borayotgani sabab mahalliy hukumatdan migrantlarni evakuasiya qilishni so`ragan. Hozirda mamlakatda Xalifa Xaftar qo`mondonligidagi Liviya milliy armiyasi va BMT tomonidan tasdiqlangan milliy birlik hukumati kuchlari o`rtasida janglar davom etmoqda. Jahon sog`liqni saqlash tashkiloti ma`lumotiga ko`ra, jangovar harakatlar boshlanganidan buyon 650 kishi halok bo`lgan, yaralanganlar soni 3 500 nafardan oshgan.
