Amaldagi tartiblarga ko`ra, giyohvandlik vositalari, psixotrop moddalar va prekursorlarni xalqaro pochta jo`natmalari orqali jo`natish taqiqlangan. Ammo shungaqaramay pochta jo`natmalari orqali tarkibida psixotropva narkotik moddalar mavjud bo`lgan dori vositalarini jo`natish holatlari tez-tez uchramoqda.
Xususan, Toshkent shahar bojxona boshqarmasi xodimlari tarkibida psixotrop va giyohvandlik moddalari mavjud bo`lgan dori vositalarinig respublikamizga noqonuniy olib kirilishiga doir navbatdagi bojxona qoidabuzarliklarini fosh qilishdi. Bu haqda Davlat bojxona qo`mitasi axborot xizmati xabar bermoqda.
Jumladan, “Bosh pochtampt” tashqi iqtisodiy faoliyat bojxona posti xodimlari tomonidan xorijdan fuqarolarV.M. va O.T. nomiga yuborilgan pochta jo`natmalari bojxona ko`rigidan o`tkazilganda bojxona deklarasiyasida ko`rsatilmagan, tarkibida psixotrop moddasi mavjud bo`lgan 30 dona “Zolpidem” hamda 60 dona “Fenazepam” nomli dori vositalari borligi aniqlandi.
Hozirda yuqoridagi holat yuzasidan bojxona organlari tomonidan surishtiruv ishlari olib borilmoqda.
