O`zbekiston U-16 o`smir qizlar terma jamoasi Osiyo Chempionati saralash birinchi uchrashuvida Bahrayn U-16 qizlar terma jamoasini yirik 17:0 hisobida mag`lubiyatga uchratdi.
Kecha Bahrayn poytaxti Manama shahrida U-16 o`smir qizlar o`rtasidagi Osiyo Chempionati saralashi «A» guruhidan o`rin olgan dastlabki uchrashuv bo`lib o`tdi. Bahrom Norsafarov bosh murabbiyligidagi O`zbekiston U-16 qizlar terma jamoasi saralash mezboni - Bahrayn U-16 terma jamoasiga qarshi maydonga tushishdi. Uchrashuvda katta ustunlikka ega bo`lgan o`zbekistonlik o`smir qizlar yakunda raqiblari darvozasini javobsiz 17 marotaba ishg`ol etishdi va yirik g`alabani nishonlashdi.
Ma`lumot uchun, saralashning «A» guruhida boshqa terma jamoalar ishtirok etmayotgani bois, O`zbekiston va Bahrayn o`smir qizlari 25 dekabr kuni o`zaro ikkinchi uchrashuvda maydonga tushadilar. Guruh g`olibi esa kelasi yili Xitoyda bo`lib o`tadigan U-16 o`smir qizlar o`rtasidagi Osiyo Chempionati final bosqichiga yo`llanmani qo`lga kiritadi.
U-16 o`smir qizlar o`rtasida OCh saralash.
«A» guruhi. Manama, Bahrayn.
22 dekabr. Dastlabki uchrashuv.
Bahrayn U16 - O`zbekiston U16 - 0:17
Manba: www.the-uff.com
