Kuni kecha Termiz shahar Sahovat mahallasidagi Haydarovlar xonadonida uch nafar egizak farzandlar dunyoga keldi. Shahar tibbiyot birlashmasining tug`ruq bo`limida ko`zi yorigan surxondaryolik Iroda Xo`jamova ikki qiz farzandidan so`ng uch egizakli bo`ldi, bu haqida Sog`liqni saqlash vazirligi, Jamoatchilik bilan aloqalar bo`limi xabar bermoqda.
Kesarcha kesish amaliyoti orqali 39 haftada dunyoga kelgan chaqaloqlarning kattasi Hasanboy 2485 gr., Fotima va Zuhraxonlar 2500 gr. vaznda. Ular malakali mutaxassislar ko`rigidan o`tkazildi, barchasi sog`lom.
Ayolning turmush o`rtog`i Umidjon Haydarov qurilish tashkilotida ishchi bo`lib, mehnat qiladi.
Ayni paytda ona ham, chaqaloqlar ham Sog`liqni saqlash vazirligi nazoratida bo`lib, ularga tajribali shifokorlar tomonidan malakali tibbiy xizmat ko`rsatilmoqda.
