Bojxona to`lovlarini chetlab o`tish uchun tuzilgan rejalar
chippakka chiqdi
Bojxona to`lovlarini chetlab o`tishga bo`lgan urinishlar bojxona xodimlari tomonidan o`z vaqtida bartaraf qilinmoqda.
Jumladan, Toshkentshahar bojxona boshqarmasi xodimlari bojxona to`lovlaridan qochishga urinish bilan bog`liq bir necha qoidabuzarlik holatlarini o`z vaqtida fosh etishdi.
“Chuqursoy” tashqi iqtisodiy faoliyat bojxona posti xodimlari tomonidan poytaxtimizda faoliyat yuritayotgan mas`uliyati cheklangan jamiyatnomiga xorijdan keltirilgan yuklar belgilangan tartibda bojxona ko`rigidan o`tkazildi. Natijada, yuklar orasida bojxona yuk deklarasiyasida hamda yuk kuzatuv hujjatlarida ko`rsatilganidan ortiqcha bo`lgan umumiy qiymati 8,7 million so`mlik 872 dona osma qulflar borligi ma`lum bo`ldi.
Shuningdek, “Arkbuloq” tashqi iqtisodiy faoliyat bojxona posti xodimlari tomonidan poytaxtimizda faoliyat olib borayotgan mas`uliyati cheklangan jamiyat nomiga xorijdan keltirilgan yuklar tekshirilganida bojxona yuk deklarasiyasida hamda yuk kuzatuv hujjatlarida ko`rsatilganidan ortiqcha bo`lgan umumiy qiymati 63 million so`mlik salkam 126 million dona chek uchu ntasmalar borligi aniqlandi.
“Toshkent-tovar” tashqi iqtisodiy faoliyat bojxona posti xodimlari tomonidan ham qonunbuzarlar tuzgan qing`ir reja bartaraf qilindi. Poytaxtimizdagi korxonalardan biri nomiga hujjatlarda ko`rsatilmagan 1035 dona o`t o`rish moslamasining ehtiyot qismlari, bir dona silliqlash uskunasi va salkam 16 ming dona optik ko`zoynaklar vaa ksessuarlari keltirilgani ma`lum bo`ldi. Aniqlangan tovarlarning umumiy qiymati 178 million so`mni tashkil etdi.
Hozirda yuqoridagi holatlar yuzasidan bojxona organlari tomonidan surishtiruv harakatlari davom ettirilmoqda.
Toshkent shahar bojxona boshqarmasi Axborot xizmati