“O`g`lim 12 yoshda. Kechasi uxlaganda og`zi ochilib qoladi. U kechasi og`izdan nafas oladi. Bu zararlimi? ”
Shahlo, Urganch tumani
Yorqinoy Toshpo`latova, terapevt:
— Odam tabiatan burun orqali nafas olishi kerak. To`g`ri nafas olish — bu burun orqali diafragma (ko`krak qafasi va qorin bo`shlig`i orasidagi mushaklar sohasi)ni ishlatgan holda nafas olishdir. Burun biz yutadigan havodagi zararli bakteriyalarni tozalab beruvchi eng yaxshi filtrdir. Bola sog`lom bo`lsa, burni bilan nafas olishi zarur. Agar u og`zi orqali nafas olsa, uni zudlik bilan pediatr yoki LOR-shifokorga ko`rsatib, maslahatlashish kerak.
Og`izdan nafas olish burun yo`llarida biron to`siq paydo bo`lishiga ham bog`liq. Bu to`siq burunda adenoidlar (limfa bezlari) yallig`langan va shishganda yuzaga keladi.
ShUNINGDEK:
- og`izdan nafas olganda o`pkaga kam miqdorda kislorod etib boradi;
- Og`iz orqali nafas olish tanaga bakteriyalar ko`p kirishiga sabab bo`ladi.
- Burun olingan havoni qizdiradi. Havo quruq bo`lsa — namlantiradi. Og`izdan nafas olishda bu jarayon buziladi.
- Doimiy tarzda og`izdan nafas olish yuqori va pastki jag` birikuvi buzilishiga olib keladi.
