Saudiya Arabistoniga tashrif buyurgan ziyoratchilar yo`l-transport hodisasi natijasida halok bo`ldi.
Mamlakat Sog`liqni saqlash vazirligining xabariga ko`ra, 2019-yil 16 oktyabr kuni kuchli halokat natijasida Osiyo va Yaqin Sharq mamlakatidan kelgan 36 nafar ziyoratchi hayotdan ko`z yumgan. Biroq, polisiya hozircha 35 kishining o`limini tasdiqlagan.
“Ar-Riyod” nashrining ma`lumotiga qaraganda, YTH Makka va Madina shaharlari oralig`ida sodir bo`lgan. Kichik Haj – Umra ziyoratiga ketayotgan ziyoratchilar avtobusi yuk avtomobili bilan to`qnashgan. Kuchli to`qnashuvdan so`ng avtobus yonib ketgan. Aytilishicha, avtobusda jami 40 kishi bo`lgan. 4 nafar jabrlanuvchi shifoxonaga olib borilgan.
