Саудия Арабистонига ташриф буюрган зиёратчилар йўл-транспорт ҳодисаси натижасида ҳалок бўлди.
Мамлакат Соғлиқни сақлаш вазирлигининг хабарига кўра, 2019-йил 16 октябрь куни кучли ҳалокат натижасида Осиё ва Яқин Шарқ мамлакатидан келган 36 нафар зиёратчи ҳаётдан кўз юмган. Бироқ, полиция ҳозирча 35 кишининг ўлимини тасдиқлаган.
“Ар-Риёд” нашрининг маълумотига қараганда, ЙТҲ Макка ва Мадина шаҳарлари оралиғида содир бўлган. Кичик Ҳаж – Умра зиёратига кетаётган зиёратчилар автобуси юк автомобили билан тўқнашган. Кучли тўқнашувдан сўнг автобус ёниб кетган. Айтилишича, автобусда жами 40 киши бўлган. 4 нафар жабрланувчи шифохонага олиб борилган.
