Karimov Fondi xorijda tahsil olish uchun IV ta`lim grantlar tanlovini e`lon qildi.
Fondning yangi ta`lim grantlari quyidagi mutaxassisliklar bo`yicha Evropaning oliy ta`lim muassasalarida magistratura bosqichida tahsil olish imkonini beradi:
👉 Qayta tiklanuvchan energiya manbalari;
👉 Kimyo va kimyo texnologiyasi;
👉 Suv va er resurslarini boshqarish;
👉 Mashinasozlik texnologiyalari;
👉 Arxitektura. Bino va inshoatlar qurish;
👉 Avtomobil yo`llari, ko`priklar, tonnellar, yo`l o`tkazgichlar va aerodromlarni loyihalash va qurish;
👉 Tekstil sanoati texnologiyalari va uskunalari;
👉 Turizm xizmatlarini tashkil etish va boshqarish;
👉 Axborot xizmatlari va jamoatchilik bilan aloqalar.
Tanlovda ingliz, nemis yoki fransuz tillarini a`lo darajada bilgan, O`zbekiston yoki chet el oliy ta`lim muassasasini bitirgan yoki uning so`nggi kursida tahsil olayotgan, yoshi 35dan oshmagan O`zbekiston fuqarolari ishtirok etishi mumkin.
Grant sovrindorlarining chet elda tahsil olish va yashash xarajatlari (2 yilgacha) Fond tomonidan moliyalashtiriladi.
Tanlovda ishtirok etish uchun hujjatlar quyidagi manzilda onlayn qabul qilinadi:
https://goo.gl/forms/vNSA6KLY2JDOA86h1
Hujjatlar topshirish muddati: 2019 yil 15 oktyabrdan 10 noyabrgacha.
Batafsil ma`lumotlarni mazkur sayt orqali bilishingiz mumkin: http://cc.uz/163rg
