Joriy yilning 15-18 oktyabr kunlari Rossiya Federasiyasi Checheniston Respublikasining Grozniy shahrida “Mahmud Esambaev” nomidagi Xalqaro festival va raqs musobaqasi bo`lib o`tdi.
Unda Rossiya Federasiyasining 22 viloyati va dunyoning 10 ta mamlakatidan, xususan-Bolgariya, Misr, Serbiya, Belorussiya, Gruziya, Ukraina, Janubiy Osetiya, Qozog`iston, Tojikiston hamda O`zbekiston mamlakatlaridan iqtidorli yoshlar qatnashishdi.
Tanlov ishtirokchilari-badiiy va sahna ko`rinishlari, texnik mahorati, musiqiy dizayni, sahna libosi va ijrosining o`ziga xosligi bo`yicha baholandi.
Mazkur tanlovda O`zbekiston Respublikasidan Toshkent davlat milliy raqs va xoreografiya oliy maktabi 1-kurs magistranti “O`zbekiston” ashula va raqs ansamblining raqqosasi, “Nihol-2015” davlat mukofoti sohibasi Sehriyo Mirzaeva “Yakkaxon raqs” nominasiyasi bo`yicha qatnashib, faxrli 3-o`rinni qo`lga kiritdi, deya xabar beradi TDMRXOM matbuot xizmati kotibi.