Mukofot jamg`armasi 1 221 320 AQSh dollariga teng bo`lgan turnirning finalida ispaniyalik David Ferrer chex tennischisi Tomash Berdixga qarshi kortga chiqdi.
Birinchi setda 6:4 hisobida raqibini enggan Ferrer ikkinchi setda bir oz ter to`kishiga to`g`ri keldi. U 12 ta geym davom etgan uchrashuvda (7:5 hisobida) g`alabaga erishdi.
"Hozir juda kayfiyatim yaxshi. Mavsumoldi mashg`ulotlarida men bilan birga ishlagan jamoamga minnatdorlik bildirmoqchiman. G`alaba menga keyingi turnirlar uchun ishtiyoq bag`ishlaydi. Kuchli tennischilar ishtirokidagi turnirda sovrindor bo`lganimdan xursandman", - deydi Ferrer.
manba: sports.uz
