Мукофот жамғармаси 1 221 320 АҚШ долларига тенг бўлган турнирнинг финалида испаниялик Давид Феррер чех теннисчиси Томаш Бердихга қарши кортга чиқди.
Биринчи сетда 6:4 ҳисобида рақибини енгган Феррер иккинчи сетда бир оз тер тўкишига тўғри келди. У 12 та гейм давом этган учрашувда (7:5 ҳисобида) ғалабага эришди.
"Ҳозир жуда кайфиятим яхши. Мавсумолди машғулотларида мен билан бирга ишлаган жамоамга миннатдорлик билдирмоқчиман. Ғалаба менга кейинги турнирлар учун иштиёқ бағишлайди. Кучли теннисчилар иштирокидаги турнирда совриндор бўлганимдан хурсандман", - дейди Феррер.
манба: sports.uz
