Joriy yilning oktyabr oyida Amerika Qo`shma Shtatlarining Atlanta shahrida yashovchi o`zbeklar jamiyati a`zolari uchun “O`zbekkino” Milliy agentligi tomonidan yaratilgan «Said va Saida» badiiy filmining taqdimot marosimi bo`lib o`tgan edi. Bu haqda "O`zbekkino" milliy agentligi matbuot xizmati xabar berdi.
Shu munosabat bilan AQShning Atlanta shahri O`zbeklar jamiyatining Raisi Rahmon Eshovning “O`zbekkino” Milliy agentligi Bosh direktori Firdavs Abduxoliqov nomiga film haqida iliq taassurotlar va minnatdorchilik bildirilgan tashakkurnomasi keldi.
Tashakkurnomada jumladan shunday deyilgan: "Said va Saida» filmi O`zbek xalqining taniqli va sevimli adibi Said Ahmad va xassos shoira Saida Zunnunovalarning hayoti va ijodi bilan bizni yaqindan tanishtirdi va barchamizda chuqur taassurot qoldirdi".