my5
all

Rossiya Latviyadan Alisher Usmonovga tuhmat qilayotgan jurnalistni topshirishni so`radi

Dunyo 08.11.2019, 15:26
Теглар: Rossiya, Alisher Usmonov
834
Rossiya Latviyadan Alisher Usmonovga tuhmat qilayotgan jurnalistni topshirishni so`radi

Rossiyalik tergovchilar “Rosbalt” nashri jurnalisti Aleksandr Shvaryovni qidiruvga berish va hibsga olish to`g`risidagi hujjatlarni Interpolga tayyorlashdi. Jurnalist tuhmat va 3 million rubl ta`magirlikda ayblanmoqda. Bu haqda “Interfaks” nashri xabar bergan.

Ma`lum bo`lishicha, ayni vaqtda Shvaryov Latviya poytaxti Rigada davolanmoqda.  

“Ayni vaqtda tergov tomonidan Shvaryovni xalqaro, jumladan Latviya hududida qidiruvga berish va uni hibsga olish bo`yicha chora ko`rish to`g`risida qaror chiqarilgan. Yaqin orada hujjatlar Interpolga yuboriladi”, — deyiladi xabarda.

Uning ta`kidlashicha, Rossiya huquq-tartibot idoralari shuningdek latviyalik hamkasblariga jurnalistni hibsga olish va uni Rossiyaga ekstradisiya qilish haqida so`rov yuborishni rejalashtirmoqda.  

Bundan avvalroq polisiya Shvaryovga rossiyalik milliarder Alisher Usmonovga tuhmat qilish hamda qozog`istonlik tadbirkor, “Fincraft Resources” xoldingi direktorlar kengashi raisi Kenes Rakishevdan 3 mln rubldan ko`proq (50 ming dollar) pul talab qilish ayblovlarini qo`ygan. Birinchi ayblov bo`yicha jurnalistga 5 mln rubllik jarima solinishi yoki 480 soatgacha majburiy ishlar belgilanishi, ikkinchi ayblov bo`yicha esa 15 yillik qamoq jazosi tayinlanishi mumkin.

Tergovga ko`ra, Shvaryov Alisher Abdullaev ismli shaxs (u ham xalqaro qidiruvga berilgan) bilan birga 2018 yil iyulidan oktyabrigacha bir necha saytlarda go`yoki Usmonovning og`ir jinoyatlarga aloqadorligi haqida yolg`on axborotni joylashtirgan. Polisiyaning o`rnatishicha, bu ma`lumotlar haqiqatga mos emas va yolg`on, sha`nga dog` tushiruvchi hamda tadbirkorning obro`siga putur etkazuvchi va unga ma`naviy zarar etkazuvchi hisoblanadi.    

Bundan tashqari, Shvaryov Abdullaev va yana bir necha kishi bilan birga turli saytlarda qozog`istonlik tadbirkor Rakishevni firibgarlikda, jinoiy guruhlar bilan aloqadorlikda va boshqa jinoyatlarda ayblab, u haqida obro`sizlantiruvchi axborot joylashtirgan. Ular tadbirkor vakillarining bu ma`lumotlarni o`chirib tashlash haqidagi iltimosini bajarish uchun 50 ming dollar talab qilishgan, aks holda tadbirkor haqida yolg`on axborot tarqatishni davom ettirish bilan tahdid qilishgan.

Shvaryovning advokati ayblovni yasama deb hisoblashini, jurnalistning jinoiy ta`qib qilinishini esa buyurtma asosida amalga oshirilayotganini aytgan.

“Ayblov mutlaq konkretlashtirilmagan, yasama va asosga ega emas, virtual ayblov deb aytish mumkin”, deb aytgan advokat.

Uning ta`kidlashicha, jurnalist o`ziga qo`yilayotgan ayblovlarni tan olmayapti.

Moskvaning Tver sudi 11 noyabrda Shvarevning sirtdan hibsga olinishi haqidagi da`vo arizasini ko`rib chiqadi.

Шарҳлар

Rossiya konidagi yong`inda halok bo`lgan hamyurtlarimiz jasadi O`zbekistonga qaytarildi.

25.12.2019, 11:03

Xabaringiz bor, Rossiyadagi konda sodir bo`lgan yong`inda o`zbeklar ham halok bo`lgani xabar berilgan edi. TIV Konsullik-huquqiy departamenti marhumlarning jasadlari O`zbekistonga qaytarilishi bo`yicha ma`lumot berdi. Mamlakatimizning Ekaterinburg...
O`zbekistonda qidiruvda bo`lgan shaxs Rossiyada ushlandi

21.12.2019, 09:50

Vobkent tumanida qidiruvda bo`lgan shaxs Vladivostokda ushlandi, deya ma`lum qildi Buxoro viloyati IIB.O`zbekiston Respublikasi JKning 168-moddasi 2-qismida ko`rsatilgan jinoyatni sodir qilganligi uchun 05.03.2015 yilda qidiruv...
Rossiya 4 yilga Olimpiya o`yinlari va jahon chempionatlaridan chetlatildi. Chunki...

12.12.2019, 12:10

Butunjahon antidoping agentligi (WADA) ijroiya qo`mitasi Rossiyani to`rt yilga yirik xalqaro musobaqalarda ishtirok etish huquqidan mahrum qildi, deya xabar berdi Go Sport. Bularga - Olimpiya o`yinlari...
O`zbekistonga qaytishni istaganlar orasida Rossiyadan bo`lgan murojaatlar etakchilik qilmoqda

03.12.2019, 18:35

 Xorijda ishlab yurgan o`zbekistonliklarning vatanga qatishlarida ko`maklashilayotganiligi bo`yicha ma`lumot berildi.Unga ko`ra, 2019-yil 1-yanvardan 1-noyabrgacha “Istiqbolli Avlod” ijtimoiy-axborot markazi tomonidan 381 ta ariza qabul qilingan. Murojaatlarda...