Otabek Umarov yangi lavozimga saylandi

O`zbekistonda yangi aralash jang san`ati federasiyasi tashkil qilindi. Unga Otabek Umarov prezident etib tayinlandi. 

Ma`lum qilinishicha, assosiasiya tashkil etilganligini tasdiqlovchi hujjat joriy yilning 23 oktyabrida taqdim etilgan.

Kecha, 8 noyabr kuni Otabek Umarov aralash jang san`atlari assosiasiyasi prezidenti sifatida sportchilarning mashg`ulotlarida qatnashdi. U MMA qoidalariga muvofiq bo`lib o`tadigan 20-GFC musobaqasida qatnashadigan polvonlar bilan suhbatlashish uchun Buka GYM sport markaziga tashrif buyurdi. Ushbu musobaqa Toshkentda bo`lib o`tadi va u mamlakatimiz tarixida aralash jang san`atlari bo`yicha birinchi turnir hisoblanadi.

Otabek Umarov sportchilarga murojaatida O`zbekistonda aralash jang san`atlari assosiasiyasi endigina tashkil etilgani va uning zimmasiga katta mas`uliyat yuklanganini ta`kidladi.

Ma`lumot uchun:O`zbekiston prezidenti xavfsizlik xizmati boshlig`i o`rinbosari Otabek Umarov O`zbekiston triatlon federasiyasida ham rahbar sifatida faoliyat olib boradi.