Internet nashrlarida “Bizga faqat buzish buyurilgandi”. Qarshi shahar hokimi buzdirgan maktab devorini quradigan odam topilmayapti” sarlavhali maqola chop etilgan edi. Unda Qarshi shahri markazidagi 14-maktab devori bir qismi buzib olinib, ancha paytdan buyon qayta qurilmayotgani haqida so`z yuritilgan.
"Ushbu masala Qarshi shahar hokimligi tomonidan e`tiborga olinib, uni hal etish chorasi ko`rildi. Devorni ko`tarish ishlari deyarli tugallanish arafasida turibdi. Mutaxassislarning bildirishicha, devor uchun 50 ga 80 qilib yangi poydevor quyilgan, poydevorning mustahkam bo`lishiga alohida ahamiyat berilgan. Devorning balandligi 2,5 metrga etkazilgan. Yana bir necha kunda suvoq ishlari bajarilsa, devor qurilishi butkul yakuniga etkaziladi", deyiladi xabarda.