O`zbekiston Prezidenti huzuridagi Axborot va ommaviy kommunikasiyalar agentligi ikki kundan buyon muhokamalar maydonida bo`layotgan Toshkent shahar hokimi Jahongir Ortiqxo`jaev bilan bog`liq masalaga nisbatan rasmiy munosabatini e`lon qildi. Buni Agentlik rahbari Komil Allamjonov ijtimoiy tarmoqdagi shaxsiy sahifasi orqali ma`lum qilgan.
“O`zbekiston Respublikasi Prezidenti Administrasiyasi huzuridagi Axborot va ommaviy kommunikasiyalar agentligi shuni ma`lum qiladiki, OAV va ijtimoiy tarmoqlarda keng muhokama qilinayotgan Toshkent shahar hokimi J.Ortiqxo`jaev bilan bog`liq vaziyat o`z echimini topdi, buni ikki tomon ham tasdiqlab turibdi.
Mazkur nizoning jamoatchilik, ommaviy axborot vositalari va blogerlar tomonidan faol tarzda muhokama qilinishi, bunga Bosh prokuratura, Jurnalistlar ijodiy uyushmasi, Adliya vazirligi va siyosiy partiyalarning tezkor munosabat bildirishi mamlakatimizda jamoatchilik nazoratining kuchi tobora ortayotgani, jamiyatda demokartik o`sishning shakllanayotgani, OAVning bosqichma-bosqich “to`rtinchi hokimiyat”ga aylanayotgani, respublikamizning ochiqlik sari dadil odimlayotganidan dalolat beradi.
Vaziyatni yanada chigallashtirishga yo`l qo`ymaslik uchun, shuningdek, Kun.uz tahririyati iltimosini inobatga olgan holda, Agentlik blogerlar va jurnalistlarni shahar hokimining ushbu nashr jamoasi bilan uchrashuvi natijalarini hisobga olishga va bundan keyin bu mavzuni bo`rttirmaslikka chaqiradi.
Ishonamizki, tegishli davlat idoralari tomonidan ushbu masalani o`rganish ishlari oxiriga etkaziladi va unga to`laqonli huquqiy baho beriladi”.
Eslatib o`tamiz, ushbu masala yuzasidan AOKAning dastlabki rasmiy munosabati ham e`lon qilingan edi.
31.01.2023, 10:22
Jahongir Ortiqxo`jaevni Oliy Majlisi Senati a`zolari ro`yxatidan chiqarish to`g`risida Markaziy saylov komissiyasining qarori e`lon qilindi.Unga ko`ra, Toshkent shahridan saylangan O`zbekiston Respublikasi Oliy Majlisi Senati a`zosi...
27.01.2023, 13:08
Jahongir Ortiqxo`jaev Toshkent shahar kengashi deputatligidan muddatidan oldin iste`foga chiqdi. Tegishli qaror bugun, 27 yanvar kuni shahar kengashi tomonidan qabul qilingan. Bu haqda ikki mustaqil...
17.12.2022, 10:55
Telegram kanallardan birida Farg`ona viloyati Buvayda tumani hokimining sobiq 1-o`rinbosari bo`lgan Dexqonov Mirzoxidjon bundan 2 yil avval 20 000 dollar pora bilan qo`lga tushib, ozodlikdan...
04.04.2022, 09:28
"Shunaqangi minnatdorman", -dedi murojaat bilan kelgan ayol ko`zida yosh bilan.Jahongir Ortiqxo`jaev ayni kunlarda hokim o`rinbosarlari va sektorlar rahbarlari bilan mahallalar hayoti, aholi turmush tarzi va...
