Ўзбекистон Президенти ҳузуридаги Ахборот ва оммавий коммуникациялар агентлиги икки кундан буён муҳокамалар майдонида бўлаётган Тошкент шаҳар ҳокими Жаҳонгир Ортиқхўжаев билан боғлиқ масалага нисбатан расмий муносабатини эълон қилди. Буни Агентлик раҳбари Комил Алламжонов ижтимоий тармоқдаги шахсий саҳифаси орқали маълум қилган.
“Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги шуни маълум қиладики, ОАВ ва ижтимоий тармоқларда кенг муҳокама қилинаётган Тошкент шаҳар ҳокими Ж.Ортиқхўжаев билан боғлиқ вазият ўз ечимини топди, буни икки томон ҳам тасдиқлаб турибди.
Мазкур низонинг жамоатчилик, оммавий ахборот воситалари ва блогерлар томонидан фаол тарзда муҳокама қилиниши, бунга Бош прокуратура, Журналистлар ижодий уюшмаси, Адлия вазирлиги ва сиёсий партияларнинг тезкор муносабат билдириши мамлакатимизда жамоатчилик назоратининг кучи тобора ортаётгани, жамиятда демокартик ўсишнинг шаклланаётгани, ОАВнинг босқичма-босқич “тўртинчи ҳокимият”га айланаётгани, республикамизнинг очиқлик сари дадил одимлаётганидан далолат беради.
Вазиятни янада чигаллаштиришга йўл қўймаслик учун, шунингдек, Kun.uz таҳририяти илтимосини инобатга олган ҳолда, Агентлик блогерлар ва журналистларни шаҳар ҳокимининг ушбу нашр жамоаси билан учрашуви натижаларини ҳисобга олишга ва бундан кейин бу мавзуни бўрттирмасликка чақиради.
Ишонамизки, тегишли давлат идоралари томонидан ушбу масалани ўрганиш ишлари охирига етказилади ва унга тўлақонли ҳуқуқий баҳо берилади”.
Эслатиб ўтамиз, ушбу масала юзасидан АОКАнинг дастлабки расмий муносабати ҳам эълон қилинган эди.
31.01.2023, 10:22
Жаҳонгир Ортиқхўжаевни Олий Мажлиси Сенати аъзолари рўйхатидан чиқариш тўғрисида Марказий сайлов комиссиясининг қарори эълон қилинди.Унга кўра, Тошкент шаҳридан сайланган Ўзбекистон Республикаси Олий Мажлиси Сенати аъзоси...27.01.2023, 13:08
Жаҳонгир Ортиқхўжаев Тошкент шаҳар кенгаши депутатлигидан муддатидан олдин истеъфога чиқди. Тегишли қарор бугун, 27 январь куни шаҳар кенгаши томонидан қабул қилинган. Бу ҳақда икки мустақил...17.12.2022, 10:55
Телеграм каналлардан бирида Фарғона вилояти Бувайда тумани ҳокимининг собиқ 1-ўринбосари бўлган Дехқонов Мирзохиджон бундан 2 йил аввал 20 000 доллар пора билан қўлга тушиб, озодликдан...04.04.2022, 09:28
Пойтахт ҳокими Жаҳонгир Ортиқхўжаев айни кунларда ҳоким ўринбосарлари ва секторлар раҳбарлари билан маҳаллалар ҳаёти, аҳоли турмуш тарзи ва муаммоларини ўрганмоқда.Тошкент шаҳар ҳокимлиги хабарига кўра, Ортиқхўжаев...