Eron va O`zbekiston o`rtasidagi hukumatlararo kelishuviga muvofiq dekabr oyidan Zagros Airlines aviakompaniyasi “Tehron-Toshkent-Tehron” yo`nalishida muntazam qatnovlarni amalga oshirishi aytilmoqda.
Dastlabki bosqichda aviakompaniya haftasiga bir martadan parvozlarni amalga oshirishni rejalashtirmoqda. Keyinchalik parvozlar chastotasi haftasiga 2 martaga etkaziladi.
Avvalroq O`zbekiston Respublikasi Transport vazirligi huzuridagi «O`zaviasiya» agentligi Eron aviakompaniyasiga "Tehron-Toshkent-Tehron" yo`nalishida reyslarni amalga oshirish uchun ekspluatasiya ruxsatnomasini bergandi.
Zagros Airlines aviakompaniyasi O`zbekistonga parvozlarni Airbus A-320, McDonnell Duglas MD-82 va MD-83 samolyotlarida amalga oshiradi.
Eron aviakompaniyasi bosh qarorgohi Tehronda joylashgan bo`lib, u Obodon aeroportidan parvozlar bajaradi.
