28

Qashqadaryoda haydovchi mashinasi bilan evakuatorga ortildi. IIB vaziyatga izoh berdi (Video)

Jamiyat 22.11.2019, 17:27
Теглар: Video
3804
Qashqadaryoda haydovchi mashinasi bilan evakuatorga ortildi. IIB vaziyatga izoh berdi (Video)

Qashqadaryo viloyati IIB axborot xizmati YouTube videoxostingida «Qashqadaryoda YPX xodimlari bilan katta tortishuv. Mashina haydovchisi bilan evakuatorga ortildi» sarlavhasi ostida joylashtirilgan videoga munosabat bildirdi.

Ta`kidlanishicha, mazkur videodagi  holat 12 noyabr kuni xizmat taqsimotiga asosan viloyat IIB YHXB YPX inspektorlari safdorlar E.Bo`ritoshev hamda M.Jonuzoqovlar «Qarshi—Shahrisabz» yo`lining Yakkabog` tumani Oqtosh qishlog`ida xizmat o`tab turgan vaqtida sodir bo`lgan.

70 Y 339 JA davlat raqamli Nexiaavtomashinasi 3.24 yo`l belgili («Yuqori tezlik cheklangan») 50 kilometr/soat tezlik cheklangan joyda 60 kilometr/soat tezlikda harakatlanib kelgan. YPX xodimlari buni Iskra-Video-2 rusumli tezlikni o`lchash moslamasi yordamida aniqlab, ushbuavtomashina haydovchisi to`xtatilgan. YPX inspektori haydovchiga o`zini tanishtirib, sodir etgan qoidabuzarligi bo`yicha tushuncha berib, avtomashina boshqarishga oid hujjatlarini talab qilingan. Avtomashina haydovchisi fuqaro N.Qo`yliev hujjatlarini taqdim qilmasdan YPX xodimlaridan xizmat guvohnomasi, dislokasiyasi hamda Iskra-Video-2 tezlikni o`lchash moslamasining sertifikatini ko`rsatishni talab qilgan.

Haydovchining talabiga asosan hujjatlar taqdim etilgandan so`ng haydovchi YPX inspektorlariga «radar o`zi qaerda, nomerlari to`g`ri keladimi, meni oldimga olib keling» deb aytgan. Safdor M.Jonuzoqov «Agar hujjatlarni taqdim qilmasangiz, ma`muriy bayonnoma rasmiylashtiramiz», deganida haydovchi «Yigitlar, bular menga tezlikka aytishyapti. Qashqadaryo viloyati Yakkabog` tumaniga qaerdan keldi bu bazatqilar», deb YPX inspektorlari bilan tortishgan. Safdor M.Jonuzoqov haydovchining talabiga asosan to`rt nafar guvoh chaqirtirganida haydovchi YPX inspektoriga dislokasiyada yo`qligini aytib tortisha boshlagan.

Haydovchining talabiga asosan chaqirtirilgan guvoh o`zini Temurmalik Karimov ekanligini aytib, haydovchidan o`zini tanishtirishni so`ragan. Safdor M.Jonuzoqov haydovchiga «Hurmatli haydovchi, agar ijtimoiy tarmoqlarga chiqarsangiz, qonun oldida javob berasiz», deb aytganida «Agar olsa, mendan pulimni oladi» deya YPX xodimlariga ters javob qaytargan. Shundan so`ng safdor E.Bo`ritoshev haydovchi M.Qo`ylievga ma`muriy bayonnoma rasmiylashtirgan.

Haydovchi ma`muriy bayonnoma bilan tanishmagandan so`ng guvohlar ishtirokida dalolatnoma rasmiylashtirib, Ma`muriy javobgarlik to`g`risidagi kodeksning 291-moddasi (Transport vositalarini ushlab turish va ko`rikdan o`tkazish asoslari va tartibi) va ichki ishlar vazirining 2011 yil 31 may kunidagi 68-sonli buyrug`ining 36-bandida «Ushlab turish sabablari bartaraf etilgunga va ma`muriy huquqbuzarlik to`g`risidagi ish ko`rilgunga qadar» deb ko`rsatilganligiga asosan avtomashina jarima maydoniga qo`yish uchun evakuatorga ortilgan.

Haydovchi esa mashinadan tushmasdan «Hurmatli Prezident Shavkat Mirziyoev! Yakkabog`da yana bir noxush holat, o`zingiz bularga jazo qo`llaysiz» deb videotasvirni yakunlagan.

Mazkur holat yuzasidan viloyat IIB YHXB mas`ul xodimlari tomonidan xizmat tekshiruvi o`tkazilmoqda.

 

Шарҳлар

Xonanda Kaniza koronavirusga chalinganini ma`lum qildi (Video)

17.07.2020, 13:35

Ijtimoiy tarmoqlarda xonanda Kanizaning koronavirusga chalingani haqida gapirgan videolavha tarqaldi.Unda Kaniza koronovirusga chalinganiga sakkiz kun bo`lganligini, ahvoli borgan sari yomonlashayotganini, necha marotaba qo`ng`iroq qilayotganiga qaramay,...
O`rtasaroy karantin zonasidagilar och holatda ushlab turilganliklarini ma`lum qilishdi (Video)

09.07.2020, 15:16

Toshkent, O`rtasaroy karantin zonasidagi holat... Karantinga olinganlar:"18 kun bo`ldi, bizni hali ham ushlab turishibdi. Kecha obeddan beri ovqat berishgani yo`q. Nega bizni ushlab turishibdi?!" Mazkur holatni...
O`zbekistonda koronavirus bemorlari uchun ajratilgan barcha koykalar to`lgani ma`lum qilindi (Video)

08.07.2020, 15:18

Bu haqda SSV shtabi a`zosi, professor Habibulla Oqilov ayni daqiqalarda davom etayotgan brifingda aytib o`tdi. So`nggi ma`lumotlarga ko`ra, mamlakatda 3986 kishi koronavirusdan davolanmoqda.
O`z sog`ligiga e`tiborsizlik bilan qaragan bemorda koronivirus og`ir kechmoqda (Video)

08.07.2020, 14:50

Videolavhada guvohi bo`lganingizdek, sun`iy nafas olish apparatiga ulangan bemorning ahvoli nihoyatda og`ir kechmoqda. Shifoxonalarimizda tez-tez yuz berayotgan bu kabi achinarli holatlarni ko`p eshitganmiz, ammo bundan...