Sirdaryo viloyatida dehqon xo`jaligi tashkil qilish istagidagi kasb-hunar kollejlari bitiruvchilariga 271 gektar er ajratib berildi. Bu haqda uz24.uz nashri xabar beradi.
“Xalq so`zi” gazetasining yozishicha, 1 ming 167 nafar yigit-qizning har biri 0,10 — 0,30 gektardan ekin maydoni egasi bo`ldi. Ular, asosan, oziq-ovqat mahsulotlari etishtirish bilan shug`ullanishadi. Ularga dehqon xo`jaliklari faoliyatini yo`lga qo`yishlarida hududdagi fermerlar ham yaqindan ko`mak berishmoqda.
Dehqon xo`jaliklari tashkil etgan yigit-qizlarga mehnat daftarchalari ochildi. Ayni chog`da ular o`zlari istagan bankda hisob raqamiga ham ega bo`lishmoqda.
