Senat yalpi majlisi to`g`ridan-to`g`ri efirga uzatiladi (tuzatish)

Bugun, 14 dekabr kuni Toshkent shahrida O`zbekiston Respublikasi Oliy Majlisi Senatining yigirma beshinchi yalpi majlisi o`z ishini boshladi.

Yalpi Majlisni Senat Raisi Tanzila Narbaeva ochiq deb e`lon qildi. Dastlab Senatning 5 yillik faoliyati haqida tayorlangan videorolik namoyish etildi.

Majlisda 85 nafar Senat a`zolari ishtirok etmoqda. Bugun ular 11 ta qonunni muhokama qiladi, shuningdek, Adliya vazirining davlat organlari va tashkilotlarining norma ijodkorligi faoliyati va huquqni qo`llash amaliyotining holati to`g`risidagi axboroti hamda Navoiy viloyati hokimining hududlarni rivojlantirish va xalq deputatlari mahalliy Kengashlar faoliyati haqidagi hisobotini tinglaydi.

Yalpi majlis ishini Oliy Majlis Senatining veb-sayti va ijtimoiy tarmoqlardagi rasmiy sahifalari orqali to`g`ridan-to`g`ri onlayn rejimida kuzatib borishingiz mumkin:

http://www.senat.uz/,
www.facebook.com/senatuzb/,
https://www.youtube.com/channel/UC_DyodxEctuQjNJ81TWNtHQ .