Бугун, 14 декабрь куни Тошкент шаҳрида Ўзбекистон Республикаси Олий Мажлиси Сенатининг йигирма бешинчи ялпи мажлиси ўз ишини бошлади.
Ялпи Мажлисни Сенат Раиси Танзила Нарбаева очиқ деб эълон қилди.
Дастлаб Сенатнинг 5 йиллик фаолияти ҳақида таёрланган видеоролик намойиш этилди. Видеоҳисоботда маълумот берилишича, қонун ижодкорлиги йўналишида 2010–2014 йилларда Сенат томонидан жами 140 та қонун маъқулланган, 2015 йилдан бугунги кунгача 220 дан зиёд қонун кўриб чиқилган. Эътиборли томони, бу қонунларнинг 186 таси сўнгги 3 йилда маъқулланган.
Мажлисда 85 нафар Сенат аъзолари иштирок этмоқда. Бугун улар 11 та қонунни муҳокама қилади, шунингдек, Адлия вазирининг давлат органлари ва ташкилотларининг норма ижодкорлиги фаолияти ва ҳуқуқни қўллаш амалиётининг ҳолати тўғрисидаги ахбороти ҳамда Навоий вилояти ҳокимининг ҳудудларни ривожлантириш ва халқ депутатлари маҳаллий Кенгашлар фаолияти ҳақидаги ҳисоботини тинглайди.
Ялпи мажлис ишини Олий Мажлис Сенатининг веб-сайти ва ижтимоий тармоқлардаги расмий саҳифалари орқали тўғридан-тўғри онлайн режимида кузатиб боришингиз мумкин:
http://www.senat.uz/,
www.facebook.com/senatuzb/,
https://www.youtube.com/channel/UC_DyodxEctuQjNJ81TWNtHQ .
Изоҳ (cоат 11:00да киритилди): Сенат ялпи мажлиси бошланганига 60 дақиқа бўлган бўлса-да, тўғридан-тўғри трансляция орқали кузатиш имкони бўлмаяпти. Сенат ахборот хизмати маълум қилишича, бунга айрим техник носозликлар сабаб бўлди, айни пайтда носозликни бартараф этиш устида иш олиб бориляпти.
11.10.2019, 10:40
Бугун, 11 октябрь куни Тошкент шаҳрида Ўзбекистон Республикаси Олий Мажлиси Сенатининг йигирма учинчи ялпи мажлиси ўз ишини бошлади.Ялпи мажлисда ҳукумат аъзолари, вазирлик ва идоралар раҳбарлари, мамлакатимиз ва чет...
