Namanganda O`zbekistondagi eng baland Yangi yil archasi o`rnatildi. Bu haqida Namangan shahar hokimligi axborot xizmati xabar berdi...
Archa shahridagi «Afsonalar vodiysi» bog`iga joylashtirilgan archaning balandligi naq 39 metr. Uning bezatilishi bog`dagi boshqa ko`ngilochar maskanlar va attraksionlar bilan yaxlit uyg`unlik hosil qilib, ajoyib manzarani yuzaga keltirgan.
Namangan shahridagi Bobur nomli madaniyat va istirohat bog`iga esa Xitoydan balandligi 28, diametri 9 metr bo`lgan archa keltirildi.
U 50 ming dona yoritgich chiroqlar bilan bezatilib, unga ikki mingdan ortiq o`yinchoq ilindi. Archa bezaklari musiqa sadolari ostida o`zgarib, turlicha jilo sochib turadi.
Shuningdek, shaharning Yoshlar bog`ida ham tez orada 15 metrli archa qad rostlaydi.
Ma`lumot o`rnida:
Toshkentda o`rnatilgan va shu paytgacha eng baland hisoblangan Yangi yil archasining bo`yi 36 metr edi.